वन तथा वातावरणमन्त्री शक्ति बहादुर बस्नेतले सरकारले चीन सरकारलाई उपहार स्वरुप प्रदान गर्न लागेको एकसिंगे गैंडा आगामी जुनको दोस्रो सातासम्म पठाईसक्ने वताएका छन् । । सो गैंडा चीनको राष्ट्रिय चिडिया खानामा राखिने छ ।
नेपालका लागि चिनियाँ राजदुत यु होङसँगको भेटमा मन्त्री वस्नेतले सो जानकारी गराएका हुन् ‘चिनियाँ राजदुतसँगको भेटमा मन्त्री वस्नेतले चितवन राष्ट्रिय निकुञ्जमा रहेका गैंडा राजधानी ल्याएर राख्नका लागि बासस्थानको निर्माण भइसकेको र आगामी जुन महिनाको दोश्रो साता एक जोडी गैंडा चीन पठाउने तयारीमा मन्त्रालय रहेको अवगत गराउनुभयो,’ वस्नेतको सचिवालयले जारी गरेको विज्ञप्तिमा उल्लेख गरिएको छ ।
सो भेटमा चिनियाँ राजदुतले सो गैंडा चीन पठाउने सम्वन्धमा भएको तयारीको वारेमा जिज्ञासा राखेकी थिइन् । मन्त्री वस्नेतसँगको भेटमा राजदूत योङले नेपालको एकसिंगे गैंडालाई चीनको राष्ट्रिय चिडिया खानामा लगेर राखिने जानकारी दिदै ती गैंडाले चिनियाँ जनतामाझ नेपाललाई चिनाउन सहयोग गर्ने विश्वास व्यक्त गरिन् र सो गैंडाको छनौट तथा लैजाने प्रक्रियाको वारेमा छलफल गर्नको लागि एक् चिनियाँ टोली यतिवेला चितवनमा रहेको छ ।
