सरकारले तराई मधेशका २२ जिल्लामा देखापरेको खानेपानी समस्याको समाधानको लागि अल्पकालिन तथा दीर्घकालिन योजना ल्याउने वताएको छ ।
चितवनमा खानेपानी तथा सरसफाई डिभिजन कार्यालयको अनुगमनपछि कर्मचारीहरुलाई सम्वोधन गदै खानेपानी मन्त्री बिना मगरले सो जानकारी दिएकी हुन् ।
उनले तराईका जनताहरुले स्वच्छ खानेपानीको समस्या भोगिरहेको भन्दै त्यसलाई समाधान गर्नुपर्ने वताइन् । मन्त्रीे मगरले स्वच्छ खानेपानीमा जनताको पहुँच उनीहरुको संवैधानिक अधिकार रहेको र त्यसलाई सरकारले सम्वोधन गर्नुपर्ने वताइन् ।
मन्त्री मगरले केन्द्र र प्रदेशको कामको वाँढफाँड नहुँदा समस्या आईरहेको वताइन् । नारायणी नदीको पानी व्यवस्थापन गरेर स्वच्छ पिउने पानीको व्यवस्था गर्ने सम्वन्धमा सरकारले सोचिरहेको जानकारी उनले दिइन् । उनले प्रत्येक जिल्लामा पानीको वर्तमान अबस्था र सम्वोधन गर्नुपर्ने विषयमा अध्ययन भईरहेको जानकारी दिइन् ।
